.jpg)
पोहोरसम्म झुपडी थियो छानो थियोे टिनको
सम्झी हेर व्यापारीहरू तिम्रो त्यो दुःखद दिनको
कमायौ अकुत सम्पत्ति जोड्यौ रोपनी बारी
शिक्षकका क्षमता बेचेर चढेका छौ तिमीले चिल्ला गाडी !!१!!
छ हजारमा काम लगाउँछौ दिन्छौ लाखको तनाव
भन्दैनन् शनिबार पनि चौबीसै घण्टा छन् तैनाथ
ऊर्जाशील समय दिएका छन् हर्दम आफ्नो कर्तव्य सम्झी
आफूलाई मालिक सम्झन्छौ तिनलाई नोकर ठानी !!२!!
एक कक्षामा पढ्नेको उठाउँछौ मासिक दस हजार
कता राख्छौ होला तिमीहरू यी पैसा लुकाएर ?
शिक्षकलाई मानसिक पीडा दिन्छौ रून्छन् धरधरी
काम गर्न बाध्य छन् तिनीहरू सम्झी परिवार घरिघरी !!३!!
भौतिक व्यवस्थापन गर्छौ तिमी चर्को शुल्क लिएर
विद्यार्थी तह लगाउँछौ डिआइद्वारा पाइपले कुटाएर
महिनाको एकपटक कम्प्यूटर दर्शन गराउन अराउँछौ
त्यसको नाममा मासिक कम्तिमा हजार शुल्क उठाउँछौ !!४!!
करोडौंं रकम बैंकमा छन् तिमी कस्तो दरिद्र ?
यस्तो शंकटमा तलब दिन्न भन्ने कस्तो दानवीय चरित्र ?
व्यापारमा नाफा घाटा हुनु त स्वभाविकै होला
भोलि पनि व्यापार चलाउन तीनै शिक्षक चाहिएला ?
शिक्षकले आफ्नो बुद्धि, क्षमता तिमीलाई नदिने हो भने
गुणस्तर नामको व्यापार बन्द हुन्छ ढोका तिम्रो कमाउने
शिक्षकको हाड घोटी तिम्रा सात पुुस्ताले खाने
सोच्दैनौ किन शिक्षक नै हुन् तिम्रो भाग्य लेख्ने !!५!!
आफैँ अमानवीय कार्य गर्छौ अरूलाई उपदेश दिन्छौ
जानी जानी मालिकहरू आफ्नै खुट्टामा बन्चरो किन हान्छौ ?
उत्साही, बौद्धिक, विवेकशील शिक्षकलाई अपमान किन गर्छौ ?
यस्तो राक्षसी व्यवहार देखायौ भने आफैँ पतन हुन्छौ !!६!!
केही छैन आज गाह्रो होला भोली अवश्य राम्रो हुनेछ
के थाहा छ कसलाई भोली त्यही तिम्रो पालक बन्नेछ
त्यसैले नचिडाऊ तिम्रो भाग्यविधाता शिक्षकलाई
नमन गरी सबै महिनाको तलब देऊ सम्मान
गर पौरखी हातलाई !!७!!
तलब देऊ ती तिम्रा भाग्यविधातालाई
तलब देऊ ती बौद्धिक व्यक्तित्वलाई
नमन गर तिनले दिने निस्वार्थ सेवालाई
सधैँ सम्मान गर तिनका ऊर्जाशील समयलाई
ऊर्जाशील समयलाई ऊर्जाशील.............!!८!!
*****
