बढ्दो अनलाइनको दुनियाँमा प्रिय पाठकहरुमाझ आजदेखि औपचारिक यात्रा थालेका छौँ । हप्ता दिन अघिदेखि समाचार सम्प्रेषण भएतापनि आज (कात्तिक १) शुक्रवार दिन हाम्रो खास शुरुवाती दिन हो । सूचना तथा प्रशारण विभाग र प्रेस काउन्सिल नेपालमा आधिकारीक सूचिकृत गरेपछि मात्र हामीले समाचार सम्प्रेषणको थालनी ग¥यौँ । जसले हामीलाइ अझ जिम्मेवार बनाएको छ ।
सूचना विभागमा अहिलेसम्म १ हजार ६ सय २ वटा अनलाइन पत्रिकाहरु दर्ता भइसकेका छन् । सयौँको संख्यामा नवीकरण छैनन् भने हजारौको संख्यामा दर्ताबीनै संचालन भइरहेका छन् । यही भिडकै बीचमा हाम्रो औपचारिक यात्रा शुरु भएको छ ।
अनलाइन पत्रकारितालाइ बढ्दो सूचना र प्रविधिको यूगले दिनानुदिन चुनौती थपिदै गएको छ । सामाजिक सञ्जालको बढ्दो दुरुपयोगले अझबढी अनलाइन पत्रकारितालाइ ‘बदनाम’ बनाएको छ । यही बीचमै हामी तपाइहरुमाझ आएका छौँ । पाठकको विश्वासलाइ जित्न नसके हामी कदापी सफल हुनै सकिदैन भन्ने हामीले राम्रोसँग बुझेका छौ । सोही अनुसार हाम्रो यात्रा निरन्तर अघि बढ्नेछ ।
पत्रकारिताको विकासक्रमसँगै शुरुवाती दिनमा विद्युत्तिय (रेडियो) को ‘क्रेज’ थियो । विस्तारै छापा माध्यमले फड्को मा¥यो । त्यसपछि अहिले अनलाइन पत्रकारिताको विकासले दिन दुइगुणा र रात चौगुणाको हिसावले फड्को मार्दैछ । संख्यात्मक रुपमा विकास भएपनि गुणात्मक र विश्वसनियतामा पाठकहरुले प्रश्न गर्न थालेका छन् । यसप्रति सवै जिम्मेवार हुनु जरुरी देखिन्छ ।
पाठकहरुको विश्वसनीयतालाइ जित्नसके अनलाइन पत्रकारितामा अवको पुस्ताको भविष्य उज्वल हुने निश्चित छ । तर, यसका लागि पत्रकारिताको मुल मर्म ‘आवाज विहिनहरुको आवाज’ बन्नै पर्छ । घरमै बसी बसी हातहातमा मोवाइलमा समाचार पढ्ने पाठकहरुलाइ विश्वसनीय र खोजी समाचार पस्कनैपर्छ ।
हो, हामी त्यही आवाज बनेर अघि बढ्ने प्रण गरेका छौँ । नेताले के बोले ? होइन, नेताले के गरे ? भन्ने विषय हाम्रा समाचारका खुराक हुनेछन् । गरिव, निमुखा, असाहय र सिमान्तकृत वर्गको सदैव हामी आवाज बनिरहने छौँ । यो हाम्रो आजको भनाइले भन्दा पनि हाम्रा समाचारका विषयवस्तुले पुष्टि गर्ने कुरा हो । त्यसको मूल्यांकन गर्ने जिम्मा तपाइहरुलाइ नै छाडेका छौँ ।
भनिन्छ, ‘पत्रकारिता हतारको साहित्य हो ।’ यही हतारको यात्रामा हामी कहिलेकाँही चिप्लिन पनि सक्छौँ । हामीलाइ निगरानी गरेर सही बाढोमा अघि बढ्ने प्रेरणा प्रिय पाठकहरुले दिनुहुने नै छ । पछिल्लो समय मानिसहरु नकरात्मक टिकाटिप्पणीमा धेरै समय खर्चने गरेको देखिन्छ । नकरात्मक सोँचले समाज परिवर्तन हुनै सक्दैन् । यसर्थ, समाजलाइ सकरात्मक बाटोमा डोहो¥याउने गरी हामीले आफ्ना सामग्रीलाइ पस्कने संकल्प गर्दछौँ ।
अधिकार सम्पन्न स्थानीय सरकार गाउँ गाउँमा संचालनमा छन् । स्थानीय सरकारले आम नागरीकहरुको सर्वपरी हितमा काम गरे वा गरेनन् ? हाम्रो विशेष खोजीको विषय त्यसतर्फ हुनेछ । यसबाहेक विभिन्न विधागत क्षेत्रहरु समेत छन् । परिमार्जित गर्नुपरे सल्लाह सुझाव दिदै जानुहोला ।
शुरुवाती दिनदेखि आजसम्म साथ सहयोग र मार्गदर्शक दिनुहुने सवैप्रति कृतज्ञ छौँ । सामाजिक उत्तरदायित्व सहितको पत्रकारितामा अविलचित हुने अठोटका साथ आजको पोष्ट डटकम तपाइहरुकै लागि !
केशर रोका
प्रकाशक/सम्पादक
