कोरोना अपडेट :
- स्वास्थ्यका सामग्री एकद्धार प्रणालीबाट
प्यूठान : कोरोनाको संक्रमण फैलिन नदिनका लागि प्यूठानका विभिन्न व्यक्ति, संघ संस्था, नागरीक समाजका अगुवा र नीजि क्षेत्रले सरकारलाई साथ दिइरहेका छन् । कोरोनाबाट समग्र जिल्लालाई सुरक्षित राख्नका लागि नीजि क्षेत्रका व्यक्तिहरुले समेत सरकारको अभियानलाई सघाएका हुन् । जसले गर्दा स्थानीयदेखि प्रदेश सरकार मातहका कार्यालयहरुलाई कारोना विरुद्ध लड्न हौसला मिलिरहेको छ । कोरोनाको त्रास भएदेखि यसै साता प्यूठानका धेरै सहयोगी मनहरुले आ–आफ्नो क्षेत्रबाट सहयोग गरिरहेका छन् ।
स्वास्थ्य कार्यालयलाई स्वास्थ्य सामग्री
फूलवारी एकीकृत ग्रामीण विकास संस्था र फूलवारी बचत तथा ऋण सहकारी संस्था प्यूठान नगरपालिका १ खैरा प्यूठानले स्वास्थ्य सामग्री प्रदान गरेको छ । दुवै संस्थाले कुल ५० हजार रुपैयाँ बरावरको सामग्री स्वास्थ्य कार्यालय प्यूठानलाई आइतवार हस्तान्तरण गरेका छन् । ५ सय थान मास्क, ४ सय ५० एमएलको ५० बोतल स्प्रिट, २५ थान थर्मोमिटर, ३ सय पिस ग्लोव्स र ५ सय एमएलको ३० बोतल फिनेल प्रदान गरिएको फूलवारी बचत तथा ऋण सहकारी संस्थाका अध्यक्ष भोज बहादुर बस्नेतले जानकारी गराए । सामाजिक उत्तरदायित्व बहन गर्दै सरकारको अभियानमा साथ दिइएको बस्नेतले प्रतिक्रिया दिए ।
.jpg)
फूलवारीले स्वास्थ्य सामग्री हस्तान्तरण गर्दै ।
यस्तै, मल्लरानी ग्रामीण विकास सरोकार केन्द्र खलंगाले एक हजार थान मास्क उपलव्ध गराएको छ । स्वास्थ्य कार्यालयलाइ नै प्यूठान नगरपालिका ८ निवासी पृथवी एग्रोभेटका संचालक यूवा व्यवसायी बासुदेव थापाले दश हजार रुपैयाँ बरावरको सरसफाईका सामग्री प्रदान गरेका छन् ।
.jpg)
मल्लरानीले मास्क दिँदै ।
स्वास्थ्य क्षेत्रमा उपलव्ध हुने सहयोगलाई एकद्धार प्रणालीबाट संकलन गरिएको स्वास्थ्य कार्यालय प्यूठानका प्रमुख विशाल सुवेदीले जानकारी गराए । ‘संकलित सामग्रीहरु प्यूठानका सवै स्थानीय तहलाई दिन्छौँ’,उनले भने,‘स्थानीय तह मार्फत गाउँ गाउँमा पुग्छ ।’ उनले जनताको सुरक्षामा खटिएका सुरक्षाकर्मीलाई पनि सामग्री प्रदान गरिने बताए । हालसम्म नेपालमा फेला परेका कोरोना संक्रमितहरु बाहिरी मुलुकबाट आएका मध्ये भएकाले अझै सुरक्षित महशुस गरिएको समेत उनले सुनाए ।
.jpg)
व्यवसायी बासुदेव थापा ।
प्यूठान उद्योग वाणिज्य संघका अध्यक्ष केदारमान कक्षपती र हाम्रो राम्रो ग्रुपका अध्यक्ष खलंगा निवासी सन्देश आचार्यले प्यूठान नगरपालिकाले संचालन गरेको क्वारेन्टाइनका लागि सामग्री सहयोग गरेका छन् । उनीहरुले क्वारेन्टाइनमा राखिएको बेडका लागि २०÷२० थान व्लान्केट, सिरानी र गुन्द्री सहयोग गरेका हुन् ।
.jpg)
उद्योग वाणिज्य संघका अध्यक्ष केदारमान कक्षपती र व्यवसायी सन्देश आचार्य ।
राज डेकोर होम विजुवारका संचालक झविन्द्र शर्माले पनि दश÷दश थान सिरानी र व्लान्केट सहयोग गरेका छन् । शर्मा प्यूठान उद्योग वाणिज्य संघका सदस्य पनि हुन् । प्यूठान नगरपालिकाले विजुवार, पूण्यखोला र खेलकुद मैदानमा क्वारेन्टाइन संचालन गरेको छ ।
.jpg)
राज डेकोर होमका संचालक झविन्द शर्मा सहयोग हस्तान्तरण गर्दै ।
सहयोग सामग्री बुझ्दै प्यूठान नगरपालिकाका नगरप्रमुख अर्जुन कुमार कक्षपतीले विपत्को बेला सवै क्षेत्रबाट सकरात्मक सहयोग गर्न जिल्लाबासीलाई आग्रह गरेका छन् । सवै क्षेत्रबाट सरकारलाई साथ दिएर अघि बढेमा कोरोना संक्रमणबाट बच्न सकिने जिल्लाबासीको आशा छ ।
