- नयाँ प्रमुख प्रशासकीय अधिकृत रिजाललाई स्वागत
मसुरीया (दाङ) : राप्ती गाउँपालिका गाउँकार्यपालिकाको विहिवार बसेको १३ औँ बैठकले विभिन्न विषयका १५ निर्णय गरेको छ । गाउँपालिका अध्यक्ष नुमानन्द सुवेदीको अध्यक्षतामा बसेको बैठकले मुलुकभर फैलिएको कोरोना भाईरसको संक्रमण प्रति सजगता, रोकथाम तथा नियन्त्रणका लागि पूर्व तयारी थाल्ने भएको छ । कोरोना भाईरसप्रति सर्वसाधरणलाई सजग हुन् गाउँपालिकाले आग्रह गरेको छ ।
नमूना आँपखोली ट्याङ्की निर्माण कार्यको रकम, पशु सेवा शाखाबाट प्राप्त बजेटको शिर्षकको रकम, वडा नम्व्र ४ को बजेट सोतान्तर र योजना परिवर्तन, वडा नम्वर ६ को बगरापुर सगरापुर नाली, ९ नं वडाबाट प्राप्त बाटो, २ नं वडाको बराखुट्टीदेखि आदर्श माविको बाटो, ५ नं वडाबाट प्राप्त रकम, प्रगन्ना तथा बडाका पथ सिंचाई आयोजनाको सिफारिस, मुक्त कमैया उत्थान कार्यक्रम लगाएत विषयमा निर्णय गरिएको प्रमुख प्रशासकीय अधिकृत शोभाराम रिजाले जानकारी गराए ।
वडा नम्वर ४ स्थित दोलेखोला पक्की पूल निर्माणको विस्तृत परियोजना प्रतिवेदन (डिपिआर) गर्ने, करन्दी सामूदायिकक भवनको निर्माण सहयोग र राष्ट्रपति शैक्षिक सुधार कार्यक्रम माग गरेका विद्यालयहरुको सिफारिस लगाएत विषयमा समेत निर्णय भएको गाउँपालिकाले जनाएको छ ।
प्रमुख प्रशासकीय अधिकृतलाई स्वागत
यसैबीच, मल्लरानी गाउँपालिका प्यूठानबाट सरुवा भएर आएका प्रमुख प्रशासकीय अधिकृत शोभाराम रिजाललाई गाउँपालिकाले स्वागत गरेको छ । यसअघि कार्यरत प्रमुख प्रशासकीय अधिकृत रामप्रसाद शर्माको सरुवा भएपछि रिजाल उक्त गाउँपालिकामा गएका हुन् । जन्मघर प्यूठानका रिजाल हाल दाङ लमही निवासी हुन् । - तिर्थराज ज्ञवाली
