- सवै नागरीकलाई बैंकसँग जोडिने
- १ हजारको खाता, दश लाखको बीमा सुविधा
प्यूठान : एनआईसी एशिया बैंकले नयाँ अफरका रुपमा सवै जनतालाई बैंकको पहुँचमा ल्याउने उद्देश्यले ‘न्यू सुपर चमत्कारिक’ निक्षेप योजना सार्वजनिक गरेको छ । जस अन्र्तगत अब बैकमा १ हजारको खाता खोल्नेले औषधि उपचार बीमा अन्तर्गत बहिरंग उपचारमा २० हजार सम्म र अस्पताल भर्ना वापत ८० हजार रुपैयाँसम्म भूक्तानी पाउने छन् ।
प्यूठानस्थित जुम्रि शाखा कार्यालय ।
बैंकले उत्कृष्ट वीमा सुरक्षा योजना, कर्जाको ब्याज दर तथा प्रशासनिक शुल्कमा विशेष छुट, निःशुल्क होम बैंकिङ सुविधा लगायतमा न्यू सुपर चमत्कारिक निक्षेप योजना रहेको प्यूठान स्थित जुम्रि शाखा प्रमुख नरेश रावलले जानकारी गराए । आफू अनुकूल हुने रकम वचत गर्नका लागि सुन, चाँदी र डायमण्ड गरी तीन प्रकारका वचत योजनाहरु बैंकले ल्याएको उनको भनाई छ ।
योजना अन्तर्गत बैकमा खाता खोल्ने ग्राहकहरुले २१ लाख रुपैयाँ सम्मको वीमा सुविधा पाउने उनले बताए । खातावालाको दुर्घटनाबाट मृत्यु भएमा वा पूर्णरुपमा अशक्त भएमा १० लाख रुपैयाँसम्मको वीमा सुविधा, १८ घातक रोगहरुका लागि १० लाख रुपैयाँ सम्मको वीमा सुविधा र एक लाख सम्मको औषधी उपचार वीमा सुविधा पाउने छन् ।
सबै प्रकारका खातामा वार्षिक ६ दशमल ५ प्रतिशत ब्याज दर र डायमण्ड सिरिजको वचत खातामा अति विशिष्ट सुविधाहरु प्राप्त हुने छन् । खातावालाको जीवन सहज बनाउनका लागि बैंकले घरमै बैंकिङ सुविधा, निःशुल्क डीम्याट खाता खोल्ने, निःशुल्क इ–कमर्श एक्टिभेसन, निःशुल्क लकर सुविधा, अनलाइन मुद्दति खताको सुविधा, निःशुल्क क्रेडिट कार्डको सुविधा समेत योजनामा रहेको रावलले बताएका छन् ।
बैंकका हालसम्म देशभर ३ सय १३ वटा शाखा कार्यालय, ४ सय ८ एटिएम, १ सय ३ एक्स्टेन्सन काउन्टर र ४५ वटा शाखारहित बैंकिङ सेवामार्फत २० लाख ग्राहकलाई सेवा प्रदान गरेको रावलले जानकारी दिए ।
