प्यूठान : पवित्र धार्मिक एवं पवित्र तिर्थस्थल स्वर्गद्धारीमा वर्षौदेखि भइरहेको खानेपानी समस्यालाई समाधान गर्ने निर्णय भएको छ । विहिवार आश्रम परिसरमा खानेपानी मन्त्री मणिचन्द्र थापाको अध्यक्षतामा बसेको मन्त्रीस्तरीय बैठकले योजनाको विस्तृत अध्ययन प्रक्रिया तत्कालै अघि बढाउने निर्णय गरेको हो ।
प्यूठान निवासी नेकपा नेता समेत रहेका मन्त्री थापा, मन्त्रालयका सचिव माधव बेल्बासे, खानेपानी तथा ढल व्यवस्थापन विभागका महानिर्देशक मिना श्रेष्ठ, उपमहानिर्देशक सूर्यराज कँडेल, संघीय खानेपानी तथा ढल व्यवस्थापन आयोजना बुटवलका प्रमुख सालिकराम पौड्याल लगाएत लगाएत बैठकमा सहभागी भएका थिए ।
.jpg)
२०७२ सालमा गएको भूकम्प र सडक निर्माणका कारण स्वर्गद्धारी नगरपालिका १ कोचिवाङबाट स्वर्गद्धारीमा पु्याइएको खानेपानी योजना सुक्दै जाँदा समस्या भइरहेको छ । आश्रमका कोठाहरी तामुप्रसाद न्यौपानेका अनुसार स्वर्गद्धारी मन्दिर पसिरमा दिनप्रतिदिन खानेपानीको समस्या बढ्दो छ । ‘वरिपरि पानीका मुहान पनि छैनन्’,न्यौपानेले भने,‘लिफटिङबीना पानी ल्याउने अरु विकल्प छैनन् ।’
उनले कोचिवाङस्थित कुंग्रीखोलादेखि तीन किलोमिटर दुरीबाट ल्याएको पानीको मुहान सुक्दै जान थालेको बताए । आश्रमका गाई र भक्तजनका लागि खानेपानीको समस्या बल्झिदै गएको छ । स्वर्गद्धारी कोचिवाङ सडक निर्माणले समेत पानीको मुहान सुक्नेक्रम थप बढ्दै गएको न्यौपानेले बताए । मन्त्रीस्तरीय बैठकबाट आश्रममा खानेपानी समस्याको समाधान गर्ने निर्णयले आश्रम परिवारलाई खुसी बनाएको उनले सुनाए ।
जोडिएका बस्तीसहित आश्रमको खानेपानी समस्या समाधानका लागि खानेपानी मन्त्रीलाई पटक पटक आग्रह गरिएको स्वर्गद्धारी नगरपालिका मेयर नेत्र बहादुर रोकायले बताए । स्थानीय सरकारको बजेटबाट आश्रममा खानेपानी योजना संचालन गर्न संभव नभएपछि संघीय सरकारसँग माग गरिएको उनको भनाई छ । आश्रम सहित कोचिवाङ, भिंगृ लगाएतका बस्तीहरुमा समेत खानेपानीको समाधान गर्न पहल गर्ने मन्त्रीले आश्वासन दिइएको उनले सुनाए । उनका अनुसार स्वर्गद्धारी आश्रममा माडीखोलादेखि लिफटिङ गर्ने योजना बैठकले अघि सारेको छ । माडीखोलाबाट आश्रमको दुरी १ हजार सात सय मिटर छ ।
प्राविधिक टोलीले योजनाको विस्तृत अध्ययन गर्ने निर्णय भएको खानेपानी तथा सरसफाई डिभिजन कार्यालय प्यूठानका डिभिजन प्रमुख आबित हुसेनले जानकारी दिए । ‘दुरीका हिसावले यो धेरै लामो छ’,उनले भने,‘मन्त्री ज्यू स्वय उपस्थित भएर निर्णय गर्नुभएको छ । क्रमागत रुपमा योजना अघि बढाउने आश्वास पाएका छौ ।’ संभव भए चालु आर्थिक वर्ष र समय नपुगे अर्को वर्षसम्म खानेपानी योजना पुरा गरेरै छाड्ने मन्त्री थापाले बताएका छन् । -आजको बुटवल टुडेमा खवर छ ।
